Арабызда шундый кешеләр бар
Метрәй авылында гомер итүче Гөлзада һәм Рәис Харисовларның икесенең дә сәламәтлекләре чикле. Коляскада гына хәрәкәтләнә алган хуҗабикә шулай да зарланмый, утырып булса да, аш-суын әзерли, җаен табып, өен дә җыештыра. Тумыштан инвалид түгел Гөлзада апа. 1974 елның ямьле июнь аенда – 23 яшендә югалта ул сәламәтлеген. Мөслимнән туган авылы Метрәйгә узгынчы машинада утырып кайтканда, авариягә очрыйлар. “УАЗ” машинасы әйләнеп каплана. Гөлзаданың умыртка баганасы сына. Кыз гомерлек инвалид булып кала. Бүгенге көндә беренче группа инвалид социаль хезмәткәр ярдәменә мохтаҗ.
